පොලව යට ගුල් හාරාගෙන වාසය කරන සතුන්ට අවශ්‍ය පිරිසිදු වාතය ලැබෙන්නේ කෙසේද

පොලව යට ගුල් හාරාගෙන වාසය කරන සතුන්ට අවශ්‍ය පිරිසිදු වාතය ලැබෙන්නේ කෙසේද

මෙය පහසුවෙන් පිළිතුරු දියහැකි සරල ප්‍රශ්ණයක් නොවේ

මේ ගැන තරමක් දුරට සොයාබලමු

රූපයේ දැක්වෙන ආකාරයට පොලව යට ගුලක වෙසෙන සත්වයෙක් ගැන සිතමු

මුලදී හෑරූ ගුලෙහි ඇති වාතයේ ඔක්සිජන් වායුව තිබුනද එම සතා විසින් එය පරිභෝජනට ගැනීමෙන් පසු එය තුල ප්‍රමාණවත් තරම් ඔක්සිජන් වායුව  නැතිවේ එයට අමතරව සතා විසින් පිටකරන වාතයෙහි ඇති කාබන් ඩයොක්සයිඩ් වායුව නිසා එහි කාබන්ඩයොක්සයිඩ් ප්‍රතිශතය වැඩිවේ කාබන් ඩයොක්සයිඩ් ශ්වසනයට උපකාර නොවේ

එබැවින් එම සතාට දිගටම එම ගුලෙහි  ජීවත් වන්නට නම් ගුලෙහි ඇති වාතය පිටත ඇති වාතය සමග සිදුවන අන්තර් වායු හුවමාරුව

අඛණ්ඩව සිදුවිය යුතුවේ

මෙය සිදුවන්නේ කෙසේද 

මෙය පහසුවෙන් පිළිතුරු දියහැකි සරල ප්‍රශ්ණයක් නොවේ

මෙයට පිළිතුරුදීම සඳහා ස්විස් ජාතික භෞතික විද්‍යාඥ ඩැනියෙල් බ’ර්නුලි (1700 – 1752 ) විසින්  තිරස්ව ප්‍රවාහයවන දුස්ස්‍රාවී නොවන තරලයක අභ්‍යන්තර පීඩනය සම්බන්ධව  කරනලද අනාවරණය අවශ්‍යවෙයි

නොහොත් තිරස්ව ප්‍රවාහයවන දුස්ස්‍රාවී නොවන තරලයක අභ්‍යන්තර පීඩනය සම්බන්ධව සිදුවන ස්වභාවධර්මයේ ස්වරූපය සම්බන්ධව කරනලද අනාවරණය අවශ්‍යවෙයි

එහිදී ඔහු විසින් අනාවරණය කරන ලද්දේ තිරස්ව ප්‍රවාහයවන දුස්ස්‍රාවී නොවන තරලයක අභ්‍යන්තර පීඩනය වෙනස්වන ආකාරය සම්බන්ධවය

එය ඔහු විසින් පහත දැක්වෙන ආකාරයට සමීකරණයකින්  ඉදිරිපත් කරන ලදී

මෙම සමීකරණය ගැන ඔබ උනන්දු නොවන්නේ නම් එය නිකමට කියවීම පමණක් ප්‍රමාණවත්ය

     P + ½ρV² + hρg  ꞊ constant

 මෙම සරල සමීකරණයෙන් දැක්වෙන්නේ තිරස්ව ප්‍රවාහයවන දුස්ස්‍රාවී නොවන තරලයක මෙම අගයන් තුනෙහි

එකතුව නියතයක් බවයි

මෙය බ’නුලි සමීකරණය යනුවෙන් හැඳින්වෙයි

      P - යනු තරලයේ පීඩනයයි

      ρ - යනු තරලයේ ඝනත්වයයි

      V - යනු තරලයේ ප්‍රවේගයයි

      H - යනු සම්මත මට්ටමේ සිට තරලයේ උසයි

      g - යනු ගුරුත්වජ ත්වරණයයි

 මෙම සමීකරණයට අනුව තරලයේ වේගය වැඩි වුවහොත් මුලු අගය නියතව පැවතීම සඳහා සිදුවියයුත්තේ කුමක්ද

 සිදුවිය යුත්තේ තරලයේ වේගය වැඩිවන තැන් වලදී එහි පීඩනය අඩුවීමයි

එබැවින් ඔහු විසින් කරනලද අනාවරණය වන්නේ තිරස්ව ප්‍රවාහයවන දුස්ස්‍රාවී නොවන තරලයක අභ්‍යන්තර පීඩනය එහි වේගය වැඩි ස්ථාන වලදී අඩුවන බවයි

නොහොත් දුස්ස්‍රාවී නොවන  යම් තරලයක් වේගයෙන් ගමන් කරනවිට එහි පීඩනය අඩු බවයි

ස්වභාවධර්මය  එය බවයි

වාතයද තරලයක් ලෙස ගතහැක

ඉන් පසුව ලෝකයේ සිටි බුද්ධිමත් දක්ෂ මිනිසුන් විසින් එම අනාවරණය භාවිතයෙන් විවිධ උපකරණ නිපදවනු

ලැබීය

ස්වභාවධර්මයේ විවිධ සංසිද්ධීන් පැහැදිලි කරනු ලැබීය

දැන් ඔබ කලයුත්තේ ඔබ භාවිතා කරන එම උපකරණ හඳුනා ගැනීමයි

මෙයින් පොලව යට ගුල් හාරාගෙන වාසය කරන සතුන්ට අවශ්‍ය පිරිසිදු වාතය ලැබෙන්නේ කෙසේදැයි පැහැදිලි කිරීමයි

මෙම නියමය භාවිතා කිරීමෙන් සාදා ඇති ඔබ  භාවිතා කරන උපකරණ වලින් එකක් හෝ හඳුන්වන්න

කකුල් හතරක් තිබී ඇති කාන්තාව

   

1868 දී ඇමෙරිකාවේ උපත ලබා ඇති Josephine Myrtle Corbin හට කකුල් හතරක් තිබි ඇත

ඇය සර්කස් කංඩායමක ප්‍රදර්ශිකාවක් ලෙස රැකියාව කර ඇත

ඇය 19 වියේදී විවාහවී ඇත

ඇයගේ ප්‍රජනන පද්ධතීන් දෙකම හො‍ඳින් ක්‍රියාත්මකව තිබී ඇත

ඇයගේ මල අපවහන පද්ධතීන් දෙකද වෙනවෙනම ක්‍රියාත්මකව තිබී ඇත

ඇයගේ පළමු දරුවා පිළිසිඳගෙන ඇත්තේ ඇගේ වම් ගර්භාෂයේබව වෛද්‍යවරුන් විසින් ඇය දැණුවත් කලවිට ඇය පවසා ඇත්තේ තමන් බලාපොරොත්තුවූයේ එය දකුණු ගර්භාෂයේ සිදුවනු ඇත යනුවෙන් බවයි

එම දරුවා ගබ්සාවී ඇති අතර ඉන්පසුව ඇය දරුවන් සිව්දෙනෙකු ලබා ඇත

ඇය 1928 දී අභාවයට පත්ව ඇත

තුන්වන පාර්ශ්වයේ ඉන්ෂුවරන්ස් කිරීම

තුන්වන පාර්ශ්වයේ ඉන්ෂුවරන්ස් කිරීම

සාමාන්‍යයෙන් මෝටර් බයිසිකල් වැනි වාහන සඳහා ලබාගන්නේ තුන්වන පාර්ශවයේ  ඉන්ෂුවරන්ස් එකක්වෙයි එය නැතිව ගමන්කිරීම වරදක්වෙයි එහෙත් මෙම තුන්වන පාර්ශවයේ රක්ෂණයෙන් ඇති ඵලය කුමක්දැයි සිතේ මෙහි තුන්වන පාර්ශවය යනු අනතුරට පත්වන මගියා හෝ වාහනය වියයුතුයි

නමුත් අනතුරට පත්වූ කෙනෙක් මෙම තුන්වන පාර්ශවයේ ඉන්ෂුවරන්ස් එකෙන් ප්‍රතිලාභ ලබාගන්නවාදැයි පැහැදිලි නැත එබැවින් මෙය ඉන්ෂුවරන්ස් කොම්පැණි වලට මුදල් ලබාගැනීම සඳහා ඇතිකල ක්‍රමයක් නොවේදැයි සිතේ

නොදන්නා නගරයකට ගියවිට මුත්‍රා කිරීම

 

බොහෝ නගර වලට යන පිටස්තර අය මුදල් නොගෙවා මුත්‍රා කලහැකි අහුමුළු ගැන දන්නේ නැත. එබැවින් ඔවුන්ට මුත්‍රා කිරීමට අවශ්‍යවූ විට රු 20 ක් ගෙවා ප්‍රසිද්ධ වැසිකිලියකට යාමට සිදුවේ. නගරය ගැන දන්නා අය මුදල් නොගෙවා මුත්‍රා කලහැකි අහුමුළු දන්නා බැවින් ඔවුන්ට එසේ මුදල් වැයවන්නේ නැත. එබැවින් මෙසේ මුදල්වැයකිරීමට සිදුවන්නේ නගරයෙන් පිටතින් එන අයටය.

සමහරවිට බස් රථ පැමිනෙන්නේ ප්‍රමාදවීබැවින් කීපවරක් මුත්‍රා කිරීමට අවශ්‍ය වේ. දෙසැරක් මුත්‍රාකිරීමට සිදුවුවහොත් වැයවන මුදල රු 40 කි. විවිධ ආකාරවලින්  නගරසභා අයකරගන්නා බදු මුදල්වල හැටියට නගරයේ මුදල් අය නොකරන වැසිකිලියක් පවත්වාගෙන යාමට නොහැකි ඇයිද යන්න ප්‍රශ්ණයකි.

දිනකට පැමිණෙන අය සාමාන්‍යයෙන් 100 ක් පමණ වන එක වරකට රු 20 ක් අයකරන වැසිකිලියක් ගැන සැලකුවහොත් එහි දවසක ආදායම රු 2000 ක් වේ. මාසික ආදායම රු 60000 ක් පමණ වේ. වාර්ෂික ආදායම රු 720000 ක් පමණ වේ. සමහර ප්‍රසිද්ධ වැසිකිලි වලට දිනකට පැමිණෙන පිරිස 100 කට වඩා වැඩිය. එබැවින් ඒවායින් උපයන මුදල මෙයට වඩා බෙහෙවින් වැඩිය. සමහර නගර සභාවල වැසිකිලි කීපයක් ඇත.

වැසිකිලි වලින් උපයා ගන්නා මෙම මුදල් ප්‍රමාණය නගර සභාවට නිසියාකාරව වාර්තා වෙනවාද යන්නද ප්‍රශ්ණයකි.

පාසල් ලමුන් ටියුෂන් පන්තිවලට යොමුකරන්නේ කව්ද

ලමුන් ටියුෂන් පන්තිවලට යොමුකරන්නේ කව්ද

මෙයට දියහැකි පලමු පිළිතුර වන්නේ අධ්‍යාපන දෙපාර්තමේන්තුව බවයි

එහි පරිපාලන සේවයේ නිලධාරීන් බවයි

ඔවුන් කෙළවරක් නැති පෝරම පුරවන්නට සලස්වා ගුරුවරුන්ගේ ඉගැන්වීමට ඇති කාලය අහෝසිකර දමයි

ජාතික අධ්‍යාපන ආයතනය බවයි

ඔවුන් පාසල් කාලය තුලදී නිමකල නොහැකිතරම් විශාල විෂය නිර්දේශයන් ඉගැන්වීමට සලස්වා එයට මග සලස්වයි

එබැවින් වසර අවසානයේ සෑම පන්තියකම පාහේ බොහෝ විෂයන්හි කොටස් ඉතිරිවේ

එබැවින් ලමුන්ට ටියුෂන් පන්ති යන්නට සිදුවේ

ඔවුන් විසින් නිසියාකරව ගුරු පුරප්පාඩු නොපිරවීම ආදියෙන්ද

ගුරු මහත්මීන් දරු ප්‍රසූතිය සඳහා නිවාඩු ගැනීම් ආදී අවස්ථා වලදී හාරිපූරණය සඳහා අතිරේක ගුරුවරුන් යෙදවීමට ක්‍රමයක් අධ්‍යාපන දෙපාර්තමේන්තුවේ නොමැතිකම ආදියද ලමුන් ටියුෂන් යැවීමට මග සලස්වයි

මෙයට දියහැකි දෙවන පිළිතුරවන්නේ තමන් උගන්වන විෂය සම්බන්ධව හරියාකාරව නොදන්නා ගුරුවරු යන්නයි

උදාහරණයක් ලෙස විද්‍යා ගුරුවරුන් ගනිමු

වර්තමාන විද්‍යා ගුරුවරුන්ගෙන් වැඩි පිරිස කාන්තාවන්ය

ඔවුන්ගෙන් වැඩි පිරිස ජීව විද්‍යා අංශයෙන් ඉගෙනගත් අයය

ඔවුන් විභාග පාස්වී ඇත්තේ ප්‍රශ්ණපත්‍රයේ ඇති  ජීව විද්‍යා ප්‍රශ්ණ වලට පිළිතුරු ලිවීමෙනි

එබැවින් ඔවුන් විද්‍යාව උගන්වන විට බොහෝවිට විෂය නිර්දේශයේ ඇති ජීව විද්‍යා පාඩම් වැඩියෙන් උගන්වන අතර භෞතික විද්‍යාව කොටස් උගන්වන්නේ නොසැලකිලිමත්වය

හරියාකාරව අවශ්‍ය දැණුම ලබාගැනීමට ලමුන්ට ටියුෂන් පන්ති යාමට සිදුවේ

අධ්‍යාපන දෙපාර්තමේන්තුවේ සිටින වැදගත්ම වටිනාම තැනැත්තාවන්නේ ගුරුවරයායි

අධ්‍යාපන දෙපාර්තමේන්තුවේ සිටින ලේකම්වරු අධ්‍යක්ෂකවරු විදුහල්පතිවරු ආදී අනෙකුත් සියළු නිලධාරීන් ගුරුවරයාගෙන් යැපෙන්නෝය

ගොඩනැගිලි තිබුනාට පරිගණක තිබුනාට ස්මාර්ට් පන්ති කාමර තිබුනාට දක්ෂ නිපුන ගුරුවරු පාසලේ නොමැතිනම් ඒ කිසිවකින් පලක්නොවේ

විශ්‍රාමයාමෙන් පසු ලමුන් වැඩියෙන්ම සලකන්නේ ඔවුන්ගේ ගුරුවරුන්ට මිස අනෙකුත් නිලධාරීන්ට නොවේ

එබැවින් වඩාත්ම වැදගත් දෙය වන්නේ නිපුන ගුරු පිරිසක් සාදා ගැනීමයි

එය එසේ නොවනවිට එය ලමුන් ටියුෂන් පන්තියාමට යොමුකරවයි

මෙයට දියහැකි තුන්වන පිළිතුරවන්නේ විදුහල්පතිවරු යන්නය

ඔවුන් උදය රැස්වීම සඳහා විවිධ දින සඳහා විවිධ උත්සව සඳහා ලමුන්ගේ පාසල් කාලය වැය කරමින්

ඉගැන්වීමට බාධාකරමින් ලමුන් ටියුෂන් පන්තියාමට යොමු කරයි

එමෙන්ම ඔවුන්ගෙන් සමහර අය විවිධ ආකාරයෙන් තමන්ට රුචිනැති ගුරුවරුන්ගේ සිත් රිදුවමින් ඉගැන්වීමට ඔවුන්ගේ ඇති රුචිය නැතිකරමින් ඉගැන්වීම් කාර්යයට බාධා කරයි

ප්‍රතිඵලයවන්නේ ලමුන්ට ටියුෂන් පන්තියාමට මග සැලසීමයි

මෙයට දියහැකි හතරවන පිළිතුර වන්නේ විවිධ තනතුරු වලින් හැඳින්වෙන අධ්‍යාපන නිලධාරීන් බවයි

ඹවුන් විවිධ ආකාරයෙන් ලමුන්ගේ පාසල් කාලය ගුරුවරුන්ගේ පාසල්කාලය ඔවුන්ගේ වැඩකටයුතු වලට වැයකර දමයි

පාසලේ ඉගෙණුම් ඉගැන්වීම් කාර්යය කිරීමට අවශ්‍ය පහසුකම් නිසියාකාරව සකස්කර නොදෙයි

ඔවුන්ගෙන් සමහර අය අවශ්‍යතරම් විෂය දැණුම සහ පළපුරුදුකම් නොමැති බැවින් ගුරුවරුන්ට උපදෙස් දීමට නොහැකිව නොසැලකිලිමත්ව සිටියි

පස්වන පිළිතුර වන්නේ ටියුෂන් දෙන සමහර පාසල් ගුරුවරුන් බවයි ඔවුන් පාසලේදී තමන්ගේ ටියුෂන් පන්තියට ලමුන් යොමුකර ගනියි එහිදී හොඳින් ඉගැන්වීම් කරයි තමන්ගේ පන්තියට එන ලමුන්ට පාසලේදී වැඩි සැලකිල්ලක් දක්වයි එයින් ලමුන් ටියුෂන් අධ්‍යාපනයට යොමුවෙයි

හයවන පිළිතුරවන්නේ වෙනත් රැකියාවක නිරත වෙමින් හෝ නොවෙමින් ටියුෂන්දෙන ගුරුවරු බවයි

ඔවුන් පාසල්වල උගන්වන ගුරුවරුන්ට වඩා හොඳින් උගන්වමින් වැඩි ඉගෙණුම් ආධාරක ද්‍රව්‍ය

ලබාදෙමින් පාසලේ ගුරුවරුන් සම්බන්ධව ලමුන් තුල ඇති ගරුත්වය අඩුකර දමයි

එයින් ලමුන් පාසලේ අධ්‍යාපනය සම්බන්ධව නොසැලකිලිමත්වෙමින් ටියුෂන් අධ්‍යාපනයට යොමුවෙයි

පාසල් ගුරුවරුන් ටියුෂන් පන්ති පැවැත්වීම කිසිසේත් වැරදි නොවේ

පවතින ආර්ථික ක්‍රමය අනුව දොස්තරලාට  පුද්ගලික චැනල් සේවයේ යෙදෙන්නට හොඳනම් ගුරුවරුන් ටියුෂන් පන්ති පැවැත්වීමේ ඇති කිසිදු වැරැද්දක් නැත

මෙයින් වඩාත්ම අවාසිය සිදුවන්නේ ටියුෂන් පන්තියාමට හැකියාවක් නැති අඩු ආදායම්ලාභි පවුල්වල දරුවන්ටය

ඇති හැකි පවුල්වල ලමුන්ට මෙයින් ඇතිවන්නේ වාසියකි

මෑත කාලයේ  ටියුෂන් පන්ති නොගොස් විශ්ව විද්‍යාලයේ විද්‍යා වෛද්‍ය හෝ ඉංජිනේරු අංශයට තේරුන ශිෂ්‍යයෙක් හෝ ශිෂ්‍යාවක් වෙත්දැයි හැකිනම් සොයා බලන්න

වර්ථමාන අධ්‍යාපනයේ ගුණාත්මක බව රඳා ඇත්තේ ටියුෂන් අධ්‍යාපනය නිසාය

බොහෝ පාසල් ඉදිරියේ පාසලේ ලමුන්ගත් විභාග සමර්ථවීම් සම්බන්ධව දැන්වීම් ප්‍රදර්ශණය කර ඇතත් එම ප්‍රතිඵල පාසලට පමණක් අයිති ඒවා නෙවේ

ලමුන් ටියුෂන් අධ්‍යාපනයට යොමුකරන තවත් කරුණු රාශියකි දක්වා ඇත්තේ කරුණු ස්වල්පයක් පමණි මෙවැනි කුඩා සටහනක සියල්ල දැක්විය නොහැක

එම බොහෝ කරුණකින්ම දැක්විය හැක්කේ රටෙහි පවතින අධ්‍යාපන ක්‍රමය විසින්ම පාසල් ලමුන් ටියුෂන් පන්තියාමට යොමු කරන බවයි

එබැවින් පවතින තත්වය අනුව එක්කෝ අධ්‍යාපන පද්ධතියේ ඇති මෙම අඩුපාඩු සකස්කර ගතයුතුව ඇත එසේ නැතහොත් අඩු ආදායම්ලාභී පවුල්වල  දරුවන්ට ටියුෂන් පන්තියාමට කිසියම් ආධාර මුදලක් රජයෙන් ලබාදීම අත්යාවශ්‍යව ඇත